Live
12
Ўзбек

«Бавария» «Барселона» ҳужумчисини Кейнга ўринбосар сифатида кўриб чиқмоқда

Футбол
22 ноябр, 05:40
Мюнхен клуби Габриел Жезусни қишки трансфер ойнасида жамоага жалб этиш имкониятини ўрганмоқда.
«Бавария» «Барселона» ҳужумчисини Кейнга ўринбосар сифатида кўриб чиқмоқда
Foto: Getty Images

«Бавария» «Барселона» ҳужумчиси Габриел Жезусни жароҳат олган Ҳарри Кейнга эҳтимолий ўринбосар сифатида кўриб чиқмоқда. Англиялик футболчи олган жароҳати сабаб тахминан 3 ой майдонга туша олмаслиги мумкин. Бу ҳақда журналист Хуан Жезус Х ижтимоий тармоғидаги саҳифасида хабар берди.

Манба маълумотига кўра, бразилиялик футболчи ва унинг оиласи Барселонада ўзларини қулай ҳис қилмоқда. Жезус қишда каталонияликлар сафини тарк этишни режалаштирмаяпти. Гарчи у бош мураббий Ҳанси Фликнинг ишончини ҳали тўлиқ қозона олмаган бўлса-да, «Барселона» ҳам 29 ёшли ҳужумчини сотишга тайёр эмас.

Габриел Жезус ўтган йилнинг сентябрь ойида «Барселона» сафига келиб қўшилган. Шу вақт давомида у барча мусобақаларда 10 та баҳсда майдонга тушиб, 4 та гол ва 2 та голли узатмага муаллифлик қилган.

Бразилиялик футболчининг каталонияликлар билан амалдаги шартномаси 2029 йилнинг ёзига қадар мўлжалланган. Тransfermarkt портали унинг бозор қийматини 17 миллион еврога баҳоламоқда.

Эслатиб ўтамиз, Ҳарри Кейн Бундеслиганинг 10-тури доирасида «Кёлн»га қарши баҳсда (1:1) чап тўпиғидаги синдезмоз бойламини узиб олган ва жарроҳлик амалиётини ўтказган.

Тегишли жамоалар ва лигалар

  • Бавария Бавария
  • Барселона Барселона
Бугунги янгиликлар