Yaponiya milliy jamoasi bosh murabbiyi Hajime Moriyasu futbolchi Takefusa Kubo Braziliyaga qarshi uchrashuvda ishtirok eta olmasligini tasdiqladi.
«Kubo Braziliyaga qarshi bahsda maydonga tushmaydi. U hali jamoaviy mashg'ulotlarga qaytgani yo'q va hozircha faqat yakka tartibda yugurish mashqlarini bajarmoqda.
Uning tezroq tiklanishiga umid qilyapmiz va eng yaxshi jismoniy holatiga qaytishi uchun astoydil ishlayapmiz», — dedi 57 yoshli mutaxassis.
Ma'lumot o'rnida, «Real Sosiedad» yulduzi 15 iyun kuni Niderlandiyaga qarshi guruh bosqichining ilk uchrashuvi (2:2)da assist amalga oshirgan, ammo chap tizzasidan olgan jarohati sabab maydonni tark etishga majbur bo'lgan edi.
Shundan so'ng 25 yoshli futbolchi Tunis va Shvetsiyaga qarshi ketma-ket ikki o'yinni o'tkazib yubordi.
