«Bavariya» bosh murabbiyi Vensan Kompani Germaniya chempionatining 2-turida «Shalke» bilan 0:0 hisobida yakunlangan bahsdan so‘ng Harri Keyn va Maykl Olisening nega asosiy tarkibda maydonga tushmaganiga izoh berdi.
«Bu shunchaki mantiqiy qaror edi. Ular ta’tildan juda kech qaytishdi. «Osnabryuk»ga qarshi bahs ulardan ko‘p kuch talab qildi. Biz ularning kubok bahsida o‘ynashini xohlagandik. Shundan so‘ng bugungi bahs bo‘yicha qaror qabul qilishimga to‘g‘ri keldi», — dedi Kompani.
Mutaxassisning ta’kidlashicha, Keyn va Olise hozircha to‘liq yuklamani ko‘tarishga tayyor holatda emas.
«Ular hali to‘liq yuklamani ko‘tarish uchun optimal holatda emas. Shu sababli ularni zaxirada qoldirishga qaror qildik», — deya qo‘shimcha qildi «Bavariya» bosh murabbiyi.
