«Bavariya» bosh murabbiyi Vensan Kompani Germaniya chempionatining 2-turida «Shalke 04» bilan 0:0 hisobida yakunlangan bahs haqida fikr bildirdi.
«Avvalo, «Shalke 04»ni tabriklamoqchiman. Ular kurashishdi. Men shunday bahslarni avval ham ko‘rganman. Bizda o‘z imkoniyatlarimiz va juda yaxshi vaziyatlarimiz bo‘ldi. Darvozabon bilan yakkama-yakka chiqish uchun ikki-uchta imkoniyat yaratdik. Yaxshi va agressiv himoyalanadigan ixcham jamoaga qarshi o‘ynaganda, bunday vaziyatlardan foydalanish kerak», — dedi Kompani.
Murabbiy jamoasi g‘alaba qozonishi mumkin bo‘lganini, biroq futbolning o‘ziga xosligi sababli imkoniyatlar boy berilganini qayd etdi.
«Biz bu bahsda g‘alaba qozonishimiz mumkin edi, ammo futbol shunaqa. Bunday bahslarda vaqtni behuda sarflamaslik kerak. To‘p bilan tezkor harakat qilish va raqib darvozasiga bosimni kuchaytirish muhim. Shunga qaramay, bizda yaxshi imkoniyatlar bo‘lganini unutmaslik kerak», — deya qo‘shimcha qildi mutaxassis.
Kompani «Shalke 04» ochkoga munosib bo‘lganini tan oldi va keyingi bahslarda vaziyatlardan samaraliroq foydalanish kerakligini ta’kidladi.
