JCh-2026. Final va 3-oʻrin uchun oʻyinga hakamlar tayinlandi

Sloveniyalik Slavko Vinchich 19 iyul kuni Nyu-Yorkda boʻlib oʻtadigan Ispaniya va Argentina milliy jamoalari oʻrtasidagi JCh-2026 finalining bosh hakami etib tayinlandi.

46 yoshli Vinchichga uning hamyurtlari Tomaj Klanchik va Andraj Kovachich qanot hakami sifatida yordam beradi.

Zahira hakami — Adham Mahadme, uning yordamchisi esa Muhammad Al Qalaf (ikkalasi ham Iordaniyadan).

Venesuelalik Xesus Valensuela esa 18 iyul sanasida Mayamida oʻtadigan Fransiya va Angliya oʻrtasidagi 3-oʻrin uchun bellashuvning bosh hakami etib tayinlandi.

42 yoshli Valensuelaga uning hamyurtlari Xorxe Urrego va Tulio Moreno qanotlarda yordam berishadi.

Zahira hakami — Jalol Jayed, uning yordamchisi esa Zakariya Brinsi (ikkalasi ham Marokashdan).