Angliya milliy jamoasining sobiq himoyachisi va sardori Jon Terri 2026 yildagi Jahon chempionati yarimfinalidan so'ng Argentina hujumchisi Lionel Messi haqida fikr bildirdi.
Argentina Angliyani 2:1 hisobida mag'lub etdi va finalga yo'l oldi. 39 yoshli Messi esa ikkita golli uzatmani amalga oshirdi.
«39 yoshli bu insonning o‘yinini kuzatish hayratlanarli edi. U — tarixdagi eng buyuk futbolchi va hali ham eng yuqori saviyada to‘p tepmoqda. Argentina ko‘p jihatdan ajoyib o‘yin ko‘rsatdi.
Mendan ko‘pincha: «Messini qanday to‘xtatish mumkin?» deb so‘rashadi. Javob oddiy — hech qanday. U bilan jismonan kurashish esa, aksincha, uning foydasiga ishlaydi. U juda kuchli, kurashishni yaxshi ko‘radi va unda barcha sifatlar mujassam», — deb yozdi Terri ijtimoiy tarmoqlardagi sahifasida.
2026 yildagi Jahon chempionati finali 19 iyul kuni AQSHning Ist-Raterford shahrida bo‘lib o‘tadi. Unda amaldagi jahon chempionlari Argentina milliy jamoasi Ispaniyaga qarshi maydonga tushadi.
