"Vest Hem" sardori Jarrod Bouen jamoaning asosiy maqsadi yana Angliya Premer-ligasiga qaytish ekanini ma'lum qildi.
"Bu klub men uchun juda qadrli. Shu yerda qolaman va jamoani yana Premer-ligaga olib chiqishni istayman. Maqsadimiz aniq. Biz yana elitaga qaytmoqchimiz", - dedi Bouen.
Qayd etilishicha, angliyalik 29 yoshli futbolchiga bir qator jamoalar qiziqish bildirganiga qaramay, u "bolg'achilar"da qolishga qaror qilgan.
Eslatib o‘tamiz, "Vest Hem" o‘tgan mavsum yakuniga ko‘ra Premer-ligani tark etib, Chempionshipga tushib ketgandi.
