«Barselona» bosh murabbiyi Hans-Diter Flik jamoa natijalari hakamlar qarorlariga bog‘liq bo‘lmasligi kerakligini ta’kidladi.
«Har bir bahsda yanada yaxshiroq va 100 foiz o‘ynashimiz kerak, shunda hakamlar qarorlariga bog‘liq bo‘lib qolmaymiz. Hakamlar uchun ham oson emas. Biz e’tiborni o‘zimizga qaratishimiz kerak», — dedi mutaxassis Goal nashriga.
Ma’lumot uchun, «Barselona» bugun safarda «Xetafe»ga qarshi bahs olib boradi. G‘alaba qozonilgan taqdirda, kataloniyaliklar turnir jadvalida «Real»dan farqni 11 ochkoga yetkazishi mumkin.
