Donnarummaning xatosi sabab yuzaga kelgan gollar 38 taga yetdi

Janluiji Donnarummaning faoliyati davomida raqib gol urishiga sabab bo‘lgan xatolari soni 40 taga yaqinlashdi.

Italiya milliy jamoasi darvozaboni Millatlar ligasining 5-turi doirasida Fransiyaga (3:1) qarshi bahsning 10-daqiqasida markaz orqali pastdan uzatma berishga harakat qildi. Biroq vinger Maykl Olise toʻpni olib qoʻydi, himoyachini aldab oʻtdi va aniq zarba bilan hisobni ochdi.

Bu Donnarummaning raqib gol urishiga sabab bo‘lgan 38-xatosi bo‘ldi. Janluiji bu kabi xatolarning 31 tasini klublar miqyosida, yana 7 tasini esa Italiya milliy jamoasi safida sodir etgan.

Eslatib o‘tamiz, posbonning ushbu mavsumdagi xatolari «Manchester Siti» darvozasiga ham gollar olib keldi. Jumladan, «Leypsig», «Aston Villa» va «Koventri»ga qarshi o‘yinlarda shunday holatlar kuzatildi.