Ispaniyaning g‘alabali seriyasi 12 ta, mag‘lubiyatsiz seriyasi 43 ta o‘yinga yetdi

Ispaniya milliy jamoasi ketma-ket 12 ta o‘yinda g‘alaba qozondi.

Luis de la Fuente boshchiligidagi jamoa Millatlar ligasining 5-turida Chexiyani 2:0 hisobida magʻlub etdi.

Ispanlar so‘nggi bor chempionlik bilan yakunlangan 2026 yilgi Jahon chempionatining ilk turida Kabo-Verde (0:0) milliy jamoasiga qarshi bahsda g‘alaba qozona olmagandi.

Shuningdek, «qizil furiya» o‘yinning asosiy vaqti bo‘yicha mag‘lubiyatsiz seriyasini 43 ta uchrashuvga yetkazdi. Bu — rekord.

Ispaniyaliklar so‘nggi bor 2024 yil mart oyida asosiy vaqtda mag‘lubiyatga uchragan. O‘shanda Kolumbiya o‘rtoqlik uchrashuvida ularni 1:0 hisobida mag‘lub etgandi.

Shundan buyon jamoa 34 ta g‘alabaga erishdi va 9 marta durang o‘ynadi. 2025 yilgi Millatlar ligasi finalida Portugaliyaga penaltilar seriyasida yutqazilgani asosiy o‘yin vaqti uchun durang hisoblangan.