«Buxoro» jamoasi XXI asrdagi eng yaxshi mavsumlaridan birini o‘tkazmoqda. Aleksandr Xomyakov shogirdlari 19 turdan so‘ng 34 ochko jamg‘arib, klub tarixidagi uchinchi eng yaxshi startni qayd etdi.
Faqat 1995 va 1996-yilgi mavsumlarda jamoa 19-turdan keyin bundan ko‘proq ochko to‘plagan. Har ikki mavsum yakunida ham jamoa turnir jadvalining 5-pog‘onasidan joy olgan.
Eslatib o‘tamiz, 19-turda Xomyakov shogirdlari safarda «Qo‘qon-1912» bilan 1:1 hisobida durang o‘ynadi. Uchrashuvning 90+2-daqiqasida kiritilgan gol jamoaga bir ochko olib keldi.
Ma’lumot uchun, 18-turdan so‘ng «Buxoro» 33 ochko bilan 4-o‘rinda borayotgan edi. 19-turdagi durangdan keyin jamoa ochkolarini 34 taga yetkazib, 3-o‘ringa ko‘tarildi.
