Superliga. "Buxoro" Qo'qonda 90+2-daqiqada gol urib, mag'lubiyatdan qutulib qoldi

O‘zbekiston chempionatining 19-turida medallar uchun kurashayotgan "Buxoro" safarda "Qo‘qon-1912"ga 90+2-daqiqada gol urib, durangga erishdi.

Etiborli jihati, vohaliklar o‘tgan turda Farg‘onaning yetakchi jamoasi "Neftchi"ni (4:1) yirik hisobda mag‘lub etgandi.

Xomyakov jamoasi ochkolarini 34 taga yetkazib, 3-o‘ringa ko‘tarildi. "Qo‘qon-1912" esa 19 ochko bilan 14-pog‘onaga joylashgan.

Superliga. 19-tur
Qo‘qon-1912 — Buxoro 1:1
24 avgust. Qo‘qon. "Markaziy" stadion
Gollar: Javohir Siddiqov (49, penalti) — Shahzod Ubaydullayev (90+2).
Qo‘qon-1912 — Rahim Davronov, Jasur Yoqubov, Alisher Salimov, Javohir Siddiqov (Javohir Husanov, 84), Silvanus Nimeli (Toma Tabatadze, 84), Ibrohim Yo‘ldoshev, Zafar Hakimov (Shahzod Akramov, 69), G‘ulomhaydar G‘ulomov, Andro Giorgadze, Egor Kondratyuk (Iqbol Malikjonov, 77), Muhammadanas Hasanov (Shohruh Gadoyev, 69)
Buxoro — Umid Hamroyev, Sardor Qulmatov, Ravshan Xayrullayev, Xurshid Muxtorov, Shahzod Ubaydullayev (Anvar Jo‘rayev, 90+4), Temur Mamasiddiqov (Asad Jo‘raboyev, 83), Quvondiq Ro‘ziyev (Nika Kacharava, 73), Sherzod Esanov, Kirill Todorov, Vladimir Rodich (Asilbek Qayumov, 73), Shahboz Jo‘rabekov.
Ogohlantirishlar: Sardor Qulmatov (48),Ibrohim Yo‘ldoshev (86), Javohir Husanov (90).
Chetlatish: Sardor Qulmatov (88)