2025-yil 21-fevral kuni O‘zbekiston Respublikasi Sport vazirligi hamda «Lokomotiv» PFK o‘rtasida Davlat-xususiy sheriklik (DXSH) loyihasini amalga oshirish bo‘yicha bitim imzolangan edi.
Mazkur kelishuv asosida Toshkent shahri Mirzo Ulug‘bek tumanidagi 2-son sport maktabi hududida joylashgan tabiiy va sun’iy chimli futbol maydonlari bir yildan ortiq vaqt davomida to‘liq rekonstruksiya qilindi.
25 avgust kuni bo‘lib o‘tgan ochilish marosimida Sport vazirligi va tuman hokimligi vakillari, futbol mutasaddilari hamda klub rahbariyati ishtirok etdi. Tadbir doirasida an’anaviy lenta qirqish marosimi ham o‘tkazildi.
Marosimda «Lokomotiv» futbol maktabi tarbiyalanuvchilari va 2-son sport maktabining yosh sportchilari ko‘rgazmali chiqishlar namoyish etdi.
Ma’lumot uchun, har ikki maydon «Lokomotiv» PFK bosh homiysi «O‘zbekiston temir yo‘llari» AJning moliyaviy ko‘magida ta’mirlandi.
