Konstantinos Karetsas «Borussiya Dortmund» safidagi debyutini Germaniya Superkubogi doirasida «Bavariya»ga qarshi o‘tkazdi. Dortmundliklar 1:2 hisobida mag‘lub bo‘lgan bo‘lsa-da, 18 yoshli futbolchi o‘zining texnik harakatlari bilan e’tibor qozondi.
Yunoniston terma jamoasi futbolchisi uchrashuv davomida driblinglari, paslari va o‘yinni tashkil etishdagi harakatlari bilan muxlislar olqishiga sazovor bo‘ldi.
Karetsas yozgi transferlar vaqtida Belgiyaning «Genk» klubidan 30 million yevro evaziga Dortmundga o‘tdi. U o‘tgan mavsumda asosiy jamoada yorqin o‘yin namoyish etib, Belgiya chempionatida 11 ta golli uzatma qayd etgan. Shuningdek, Yevropa Ligasidagi 11 uchrashuvda 2 ta gol va 5 ta assistga mualliflik qilgan.
Ma’lumot uchun, «Bavariya» bosh murabbiyi Vensan Kompani Superkubokdan keyin jurnalist Mishel Shryoder bilan suhbatda Karetsasning o‘yinidan katta taassurot olganini bildirdi. Belgiyalik mutaxassis futbolchini «juda yaxshi» deb baholab, jurnalistga uni diqqat bilan kuzatishni tavsiya qilgan.
