2027-yili Oʻzbekiston va Ozarbayjon mezbonligida oʻtkaziladigan futbol boʻyicha FIFA U20 jahon chempionatining sanalari eʼlon qilindi.
Unga koʻra, yoshlar oʻrtasidagi mundial 2027-yilning 17-sentabridan 9-oktabrigacha boʻlib oʻtadi. Unda 6 qitʼadan 24 ta jamoa ishtirok etadi.
Jamoliddin Rahmatullayev boshqaruvidagi Oʻzbekiston U20 jamoasi ham musobaqada mezbon sifatida ishtirok etadi. 2025-yilgi musobaqaga Chili mezbonlik qilgan. Marokash yoshlari gʻoliblikni qoʻlga kiritgan. Argentina ikkinchi oʻrinni egallagandi. Kolumbiya esa 3-oʻrin bilan kifoyalangan edi.
