«Arsenal» bosh murabbiyi Mikel Arteta Chempionlar Ligasi umumiy bosqichining 3-turi doirasida «Bavariya» bilan qayd etilgan 2:2 hisobidagi durang haqida gapirib o‘tdi.
«Bu jamoamiz ko‘rsatgan eng yuqori saviyadagi o‘yinlardan biri bo‘ldi. Ikki jamoa ham pressing qilishga va hujumkor futbol o‘ynashga intildi. Juda qiziqarli bahs bo‘ldi.
O‘yinni ajoyib boshlab, raqib ustidan ustunlik qildik. Sakasiz harakat qilishga moslashishimizga to‘g‘ri keldi. Ikkinchi bo‘limda bahs tenglashdi, raqib gollar urdi, biz esa javob qaytardik. G‘alaba qozonish imkoniyatimiz ham bo‘ldi. Bu haqiqiy yuqori saviyadagi futbol edi», — dedi Arteta.
Saka jarohati haqida esa murabbiy: «Biroz xavotirdamiz. Futbolchi kuchli og‘riq tufayli maydonni tark etishga majbur bo‘lsa, bu doim yomon. Endi vaziyatni kuzatishimiz kerak», — deya qo‘shimcha qildi.
