«Manchester Yunayted» bosh murabbiyi Maykl Karrik jamoa sardori Bruno Fernandesning «Komo»ga qarshi Chempionlar Ligasi doirasidagi uchrashuvda qo‘llanilgan taktik sxemalardan norozi ekaniga o‘z munosabatini bildirdi.
«Qanday tizimdan foydalanishingiz yoki qanday taktika tanlashingizdan qat’i nazar, agar yugurmasangiz, orqaga qaytmasangiz va himoyada o‘z vazifangizni bajarmasangiz, g‘alaba qozona olmaysiz. Men mag‘lubiyatdan xafaman va deyarli hafsalam pir bo‘ldi. Rostini aytsam, jahlim ham chiqyapti», — dedi Karrik matbuot anjumanida.
Qayd etish lozim, uchrashuvdan keyin portugaliyalik yarim himoyachi jamoaning o‘yin uslubidan norozi ekanini bildirib, pressing bo‘yicha tanlangan reja muvaffaqiyatsiz bo‘lganiga ishora qilgandi.
Eslatib o‘tamiz, «qizil iblislar» Italiyadagi bahsda «Komo»ga 4:1 hisobida mag‘lub bo‘ldi. Ayni paytda Karrik shogirdlari turnir jadvalida 3 ochko bilan 21-o‘rinni egallab turibdi.
