Argentinaning DirectTvSports telekanali sharhlovchisi JCH-2026 guruh bosqichi 1-tur doirasidagi Fransiyaning Senegal bilan o‘yini (3:1) vaqtida Desham shogirdlarini «Afrika jamoasi» deb atadi.
Birinchi bo‘lim yakunlanganida sharhlovchi: «Nyu-Jersida birinchi bo‘lim yakuniga yetdi Fransiya va Senegal jamoalari o‘yinida 0:0, Afrika jamoalari bahsida hozircha durang qayd etilmoqda», - dedi.
Eslatib o‘tamiz, AQSH, Meksika va Kanada mezbonligida o‘tayotgan 11-iyunda start olgan turnir 19 iyul kuni yakuniga yetadi.
Amaldagi jahon chempioni Argentina hisoblanadi, 2022-yil Qatarda o‘tgan mundial finalida Messi va jamoadoshlari Fransiya milliy jamoasini penaltilar seriyasida mag‘lubiyatga uchratgan edi.
