«Реал» Ла Лигада VAR ёрдамида бекор қилинган голлар сони бўйича чемпионат рекордини ўрнатди. МisterChip маълумотига кўра, 2018 йилда ушбу тизим жорий этилганидан бери мадридликларнинг 42 та голи бекор қилинган.
Шанба куни Жозе Моуринио бошчилигидаги жамоа ўз майдонида «Вилярреал»ни 1:0 ҳисобида мағлуб этди. Баҳснинг 71-дақиқасида Винисиус Жуниор ҳисобни 2:0 кўринишига келтириши мумкин эди. Бироқ бразилиялик футболчи гол уришдан аввал рақиб футболчисининг сочидан тортгани сабабли ҳакам голни бекор қилди ва унга тўғридан-тўғри қизил карточка кўрсатди.
VAR орқали бекор қилинган голлар сони бўйича иккинчи ўринда «Атлетико» ва «Вилярреал» бормоқда. Ҳар икки жамоанинг 22 тадан голи ҳисобга олинмаган.
«Барселона» эса ушбу рўйхатда еттинчи ўринни эгаллаган. Каталонияликларнинг 19 та голи VAR аралашувидан кейин бекор қилинган.
