Суперлига. «Локомотив» меҳмонда «Сўғдиёна»ни мағлуб этди

Суперлиганинг 23-турида «Локомотив» сафарда «Сўғдиёна»ни 3:2 ҳисобида мағлуб этди.

29-дақиқада Беҳруз Асқаров мезбонларни олдинга олиб чиқди. 34-дақиқада Темурхўжа Абдухолиқов ҳисобни тенглаштирди.

Иккинчи бўлим бошида, 48-дақиқада Сардор Мирзаев «Локомотив»ни олдинга олиб чиқди. 68-дақиқада Люпчо Дориев ҳисобни 2:2 кўринишига келтирди. Бироқ 81-дақиқада Шодиёр Шодибоев меҳмонларга ғалаба келтирган голни урди.

Ушбу натижадан сўнг «Локомотив» 38 очко билан 5-ўринга кўтарилди. «Сўғдиёна» эса 28 очко билан 11-ўринда қолди.

Суперлига. 23-тур
Сўғдиёна — Локомотив 2:3
Голлар: Асқаров 29, Дориев 68 — Абдухолиқов 34, Мирзаев 48, Шодибоев 81.
Огоҳлантириш: Нишич 76.

Сўғдиёна: Митрович, Жўрабоев, Қобилов, Асқаров (Қаҳрамонов, 46), Мичин (Займович, 82), Болтабоев (Сойибов, 46), Иванович, Дориев, Каримов, Султонмуродов (Абдурашидов, 46), Камолов (Мавлонқулов, 46).
Локомотив: Козлов, Тўплиев (Шодибоев, 76), Абдухолиқов, Шушняр, Мирзаев (Йўлдошев, 90+1), Кучеренко, Туропов (Реймов, 76), Муҳаммадиев, Зотеев, Нишич (Иванов, 84), Яхшибоев (Нуруллоев, 76).