«Бавария» ҳужумчиси Ҳарри Кейн яқин кунларда Мюнхен клуби билан янги узоқ муддатли шартнома имзолайди. Бу ҳақда италиялик инсайдер Николо Скира ижтимоий тармоқларда маълум қилди.
Манба хабарига кўра, 33 ёшли футболчининг янги шартномаси 2030 йил ёзигача мўлжалланган. Томонлар келишувнинг барча асосий тафсилотларини ўзаро келишиб олган.
Қайд этилишича, ўтган ёзги трансфер ойнасида Кейнга Европанинг бир нечта етакчи клублари, шунингдек, Саудия Арабистони чемпионати вакиллари қизиқиш билдирган. Бироқ футболчининг ўзи учун Мюнхен клубидаги фаолиятини давом эттириш доимо устувор вазифа бўлиб қолган.
