Олмалиқнинг ОКМК клуби Ўзбекистон Суперлигасининг 23-туридан ўрин олган «Навбаҳор»га қарши учрашувдаги баҳсли ҳакамлик қарорлари юзасидан муносабат билдирди.
«Суперлига 23-тур доирасидаги ОКМК — «Навбаҳор» учрашуви давомида ва якунида юз берган бир қанча баҳсли вазиятлар нафақат майдондаги, балки VARдаги ҳакамлар қарорлари юзасидан шикоят ёзиш учун етарли.
Лекин яқиндагина ЎзФҲМ ва клуб раҳбарияти ўртасида бўлиб ўтган учрашувдаги ўзаро келишув юзасидан расмий шикоят киритмадик.
ЎзФҲМ раҳбариятининг бизни ишонтирганидек, бундан буён ҳакамлар юзасидан шикоят ёзилиши шарт эмас, энди ўзимиз нотўғри қарор чиқарган ҳакамларни жазолаймиз, деб айтган ваъдаларига ишонган ҳолда, уларнинг адолатли қарорини кутиб қоламиз», — дейилади хабарда.
Маълумот ўрнида, ОКМК — «Навбаҳор» баҳсида томонлар 2:2 ҳисобидаги жанговор дурангга имзо чекди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади