Италиялик мураббий Антонио Конте Лондоннинг «Арсенал» клуби бош мураббийи Микел Артетанинг фаолияти ҳақида фикр билдирди. У испаниялик мутахассиснинг клубга таъсирини «Манчестер Сити»да Хосеп Гвардиола ва «Ливерпул»да Юрген Клоппнинг фаолияти билан таққослади.
«Арсенал»да аниқ йўналиш ва стратегик қараш мавжуд. Артета худди ўз вақтида Клопп ва Гвардиола қилганидек, жамоанинг йўналишини белгилаб бермоқда.
Менимча, бош мураббий ҳар доим клуб лойиҳасининг марказида туриши, асосий шахс бўлиши керак. Агар раҳбарият нимадандир норози бўлса, уни шунчаки ишдан бўшатсин.
Аммо айнан мураббий жамоанинг фалсафаси ва йўналишини белгилаши шарт. Унинг ўз футболга оид қарашлари бор ва битта клуб ичида бир вақтнинг ўзида иккита турли қараш мавжуд бўлиши мумкин эмас», — дея Контенинг сўзларини Тhe Athletic нашри келтирмоқда.
Маълумот учун, Артета бошчилигидаги «Арсенал» ўтган мавсумда узоқ йиллар кутилган чемпионликни нишонлаган эди.
