Бразилиянинг «Коринтианс» клуби Кларенс Зеедорф жамоа бош мураббийи этиб тайинланганини расман эълон қилди. Бу ҳақда клуб матбуот хизмати хабар берди.
Сан-Паулу шаҳри вакили билан тузилган меҳнат шартномаси 2027 йил охиригача амал қилади.
«Бу чақириқни қабул қилиш мен учун катта шараф, шу билан бирга, улкан масъулият ҳамдир. Мен бор кучимни бериш ва ҳар бир тўп, ҳар бир дақиқа ҳамда ҳар бир ғалаба учун курашадиган жамоани шакллантириш учун келдим», — деди Зеедорф.
Нидерландиялик мутахассис аввалроқ «Милан», Хитойнинг «Шенчжен», Испаниянинг «Депортиво» клублари ҳамда Камерун миллий жамоасида бош мураббий сифатида ишлаган.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади