Озарбайжон пойтахти Боку шаҳрида дзюдо бўйича жаҳон чемпионати якунига етмоқда. Мусобақанинг сўнгги кунида ўтказилган аралаш жамоавий баҳсларда Ўзбекистон миллий жамоаси бронза медалига сазовор бўлди.
Ҳамюртларимиз саралаш босқичида Германия ва Грузия жамоаларини мағлубиятга учратди. Бироқ яримфиналда Россия вакилларига 3:4 ҳисобида имконият бой берилди.
Бронза медали учун кечган баҳсда эса Ўзбекистон миллий жамоаси Мўғулистон устидан 4:2 ҳисобида ғалаба қозониб, жаҳон чемпионати совриндорига айланди.
