Португалия миллий жамоаси собиқ футболчиси Жозе Луиш Видигал бош мураббий Жорже Жезуш ва Криштиану Роналду билан юзага келган можаро ҳақида ўз фикрларини билдириб ўтди.
«Илтимос, бас қилинг (кулади). Мураббий бажариши керак бўлган ишни қилди. Роналду миллий жамоа қароргоҳидан учиб кетиш учун самолётга ўтирганидаёқ, у қилган ишидан афсусланишини ўйлагандим.
Криштиану эълон қилган баёнот кўп нарсани оқламайди. Жезуш хато қилганини айтди, аммо хатони тан олиш билан уни тиз чўктиришга уриниш ўртасида катта фарқ бор. Менимча, бундай ҳолат бошқа ҳеч қаерда йўқ», — деди Видигал La Gazzetta dello Sport нашрига берган интервюсида.
Эслатиб ўтамиз, Жезуш Миллатлар Лигасида Норвегияга қарши учрашув (2:1) давомида Роналдуни майдонга тушиш учун тайёрланишга юборган, майдонга туширмаганди. 30 сентябр куни эса 41 ёшли ҳужумчи Португалия миллий жамоаси қароргоҳини ўзбошимчалик билан тарк этди.
6 октябр куни футболчи бу қарорини изоҳлаб, Жезушни ваъдаларини бузганликда айблаган баёнот билан чиқди. Маълумот ўрнида, 41 ёшли форвард миллий жамоа сафида 234 та ўйинда майдонга тушиб, 146 та гол урган.
