«Барселона» яримҳимоячиси Родри жамоанинг асосий етакчиларидан бирига айланди. Бу ҳақда журналист Жоан Жезус хабар берди.
Маълум қилинишича, яримҳимоячи жамоанинг беш нафар сардори қаторига кирмаса-да, кийиниш хонасида Рафинядан кейинги иккинчи етакчига айланган. Родри жамоадошлари орасида катта ҳурмат қозонган ва жамоа ичида етакчиликни ўз зиммасига олган.
У тез-тез шериклари олдида нутқ сўзлайди, ёш футболчиларга эса мунтазам равишда маслаҳат ва кўрсатмалар беради. Шунингдек, Родри «Барселона»га тўлиқ мослашиб улгурган. У ўзини нафақат футболчи, балки мураббийлар штаби аъзосидек ҳам тутмоқда.
Эслатиб ўтамиз, 30 ёшли футболчи шу йилнинг ёзида «Манчестер Сити»дан «Барселона»га кўчиб ўтганди. Каталонияликлар унинг трансфери учун 60 миллион евро тўлаган, бонуслар билан бирга битим қиймати 70 миллион еврога етган.
Унинг янги жамоаси билан шартномаси 2030 йилгача мўлжалланган.
