«Реал» яримҳимоячиси Жуд Беллингҳэм жамоадоши Винисиус Жуниорга мурожаат қилди. Бразилиялик футболчи Ла Лиганинг 8-тур доирасидаги «Вилярреал»га қарши учрашувда майдондан четлатилган эди.
«Ҳар доим ёнингдаман», — дея англиялик футболчининг сўзларини келтиради Фабрицио Романо. Қайд этиш лозим, Винисиус учрашувни захира ўриндиғида бошлаб, 52-дақиқада Трент Александер-Арнолд ўрнига майдонга тушди. 72-дақиқада эса у тўғридан-тўғри қизил карточка олди. Шу тариқа, футболчи майдонда атиги 20 дақиқа ҳаракат қилди.
Эслатиб ўтамиз, бир киши кам бўлиб қолган «Реал» 1:0 ҳисобидаги ғалабани сақлаб қолди. Ягона голни Ян Диоманде уришга муваффақ бўлди.
Ушбу ғалабадан сўнг «қироллик клуби» очколари сонини 18 тага етказиб, 3-ўринга кўтарилди. «Вилярреал» эса 8 очко тўплаган ҳолда 11-поғонани банд этиб турибди.
