Суперлига. ОКМК йирик ҳисобда ғалаба қозонди, «Машъал» ва «Насаф» дуранг ўйнади, «Локомотив» ҳамда «Андижон» ҳам муроса кўчасини танлади

Ўзбекистон Суперлигаси 13-туридан ўрин олган баҳсларда ОКМК сафарда «Қўқон-1912»ни 4:1 ҳисобида мағлуб этди. «Машъал» ва «Насаф» 1:1 ҳисобида дуранг қайд этган бўлса, «Локомотив» ҳамда «Андижон» ўртасидаги баҳс 3:3 ҳисобида якунланди.

ОКМК сафида Асадбек Собиржонов дубл муаллифига айланди. Шунингдек, Нодирбек Абдураззоқов ва Сиаваш Ҳақназари ҳам биттадан гол урди. «Қўқон-1912»нинг ягона голига Иброҳим Йўлдошев муаллифлик қилди.

Қаршидаги баҳсда «Машъал» Страхиня Бошнякнинг голи билан олдинга чиқди. Бироқ Сардор Баҳромов биринчи бўлимнинг ўзида мувозанатни тиклади ва жамоалар очколарни бўлишиб олди.

Тошкентда кечган сермаҳсул беллашувда «Локомотив» икки тўп фарқи билан олдинга чиқиб олганига қарамай, «Андижон» камбек амалга оширди. Якунда томонлар 3:3 ҳисобидаги дурангга рози бўлди.

Мазкур натижалардан сўнг ОКМК 22 очко билан 4-ўринга кўтарилди. «Локомотив» 19 очко билан 7-ўринда, «Насаф» 18 очко билан 8-ўринда, «Андижон» 17 очко билан 9-ўринда бормоқда. «Машъал» эса 4 очко билан турнир жадвалининг сўнгги поғонасида қолди.

Суперлига. 13-тур
Қўқон-1912 - ОКМК 1:4
Голлар: Собиржонов 47 (0:1), Абдураззоқов 55 (0:2), Собиржонов 59 (0:3), Йўлдошев 66 (1:3), Ҳақназари 74 (1:4).

Қўқон-1912: Раҳимжон Давронов, Жасурбек Ёқубов (Иброҳим Йўлдошев, 45), Алишер Салимов, Жавоҳир Сидиқов, Шота Гвазава (Ғулом-Ҳайдар Ғуломов, 62), Шоҳруҳ Гадоев (Жавоҳир Ҳусанов, 62), Шаҳзод Акрамов, Иқболжон Маликжонов, Тома Табатадзе (Муҳаммаданас Ҳасанов, 62), Андро Гиоргадзе, Эгор Кондратюк (Шоҳруҳ Маҳмудхўжаев, 76).
ОКМК: Жавоҳир Илёсов, Гиорги Папава, Авазбек Ўлмасалиев (Шаҳзод Тоиров, 77), Дилшодбек Аҳмадалиев, Абубакр Ризо Турдиалиев, Азиз Холмуродов, Асадбек Собиржонов (Иван Пешич, 77), Ҳазратжон Турсунқулов (Нодирбек Абдураззоқов, 46), Саидафзалхон Аҳроров, Аброр Каримов, Сиаваш Ҳақназари.

Машъал - Насаф 1:1
Голлар: Страхиня Бошняк 18 (1:0), Сардор Баҳромов 39 (1:1).

Машъал: Достонбек Тўхтабоев (Владислав Русанов, 46), Зафарбек Акрамов, Страхиня Бошняк, Сардор Абдураимов, Иброҳим Ғанихонов (Иззатилло Абдулҳақов, 61), Ҳумоюн Муртозаев (Маҳмуд Жўрабоев, 69), Илҳомжон Абдиғаниев (Комил Тожиддинов, 61), Тохир Тўхтасинов, Эргаш Исмоилов, Шерзод Файзиев, Фарруҳ Иброҳимов (Драго Бумбар, 46).
Насаф: Абдувоҳид Неъматов, Акром Комилов (Дилшод Муртазаев, 77), Ғолиб Ғайбуллаев (Қувончбек Хушвақтов, 81), Сардор Баҳромов (Бекжон Раҳматов, 77), Аденис Шала (Алибек Давронов, 71), Зафармурод Абдирахматов, Бобир Абдихолиқов, Шароф Муҳитдинов, Ойбек Рустамов, Муродбек Раҳматов (Даврон Усмонов, 81), Умар Эшмуродов.

Локомотив - Андижон 3:3
Голлар: Абдуллоҳ Йўлдошев 43 (1:0), Сардор Мирзаев 53 (2:0), Александре Андрокинашвили 68 (2:1), Драган Черан 72 (2:2), Николай Иванов 79 (3:2), Ҳамидулло Каримов 89 (3:3).

Локомотив: Алексей Козлов, Суҳроб Нуруллоев, Шодиёр Шодибоев (Жасурбек Яхшибоев, 83), Темурхўжа Абдухолиқов, Сардор Мирзаев, Александр Кучеренко, Диёржон Туропов, Абдуллоҳ Йўлдошев, Шуҳрат Муҳаммадиев, Олег Зотеев, Ёван Нишич (Николай Иванов, 75).
Андижон: Элдор Адҳамов, Абдулвоҳид Ғуломов (Драган Черан, 46), Александре Андрокинашвили, Пўлатхўжа Холдорхонов, Ҳумоюнмирзо Иминов, Неманя Чаласан, Ислом Тўхтахўжаев, Усмонали Исмоналиев, Муҳаммадкарим Тоиров, Бекзод Сулаймонов (Ҳамидулло Каримов, 89), Маҳмуджон Маҳамаджонов.