«Барселона» ва Испания миллий жамоаси марказий ҳимоячиси Пау Кубарси Тransfermarkt талқинига кўра дунёнинг энг қиммат ҳимоячисига айланди.
ЖЧ-2026 якунларидан сўнг портал 19 ёшли футболчининг трансфер қийматини 20 миллион еврога оширди. Натижада Кубарсининг бозор нархи 100 миллион еврога етди ва у бу кўрсаткич бўйича Франция миллий жамоаси ҳамда «Арсенал» ҳимоячиси Вилям Салиба билан биринчи ўринни бўлишиб турибди. Ёш нуқтаи назаридан келиб чиқиб Пау юқори ўринда қайд этилган.
Аввалроқ ФИФА Пау Кубарсини ЖЧ-2026нинг энг яхши ёш футболчиси деб эътироф этганди.
Испаниялик ҳимоячи мундиалдаги 8 та баҳснинг барчасида майдонга тушди. У гол ёки голли узатма қайд этмаган бўлса-да, Испания ҳимоя чизиғининг ишончли ўйини билан ажралиб турди. Жамоа турнир давомида атиги 1 та гол ўтказиб юборди ва финалда Аргентинани 1:0 ҳисобида мағлуб этиб, жаҳон чемпионига айланди.
Қайд этиш жоиз, Кубарси атиги 19 ёшида жаҳон чемпионлиги, мундиалнинг энг яхши ёш футболчиси соврини ва дунёнинг энг қиммат ҳимоячиси мақомига эришди. Бу эса унинг жаҳон футболидаги энг истиқболли ҳимоячилардан бири эканини яна бир бор тасдиқлади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади