Таниқли инсайдер Фабрицио Романонинг хабар беришича, Крисенсио Саммервилл фаолиятини Саудия Арабистонининг «Ал Ҳилол» клубида давом эттиради.
Манбага кўра, томонлар ўртасида оғзаки келишув тўлиқ якунланган ва футболчининг ўзи ҳам трансферга розилик берган. Эндиликда Саммервилл тиббий кўрикдан ўтишга рухсат олган.
Романо таъкидлашича, сўнгги 48 соат ичида «Рома» футболчини ўз сафига қўшиб олиш учун охиригача курашган, бироқ якунда «Ал Ҳилол» трансфер пойгасида ғолиб чиққан.
Трансфер шартларига кўра, «Вест Ҳэм» ушбу битимдан 55 миллион фунт стерлинг кафолатланган маблағ олади. Бундан ташқари, келишувга яна 10 миллион фунт миқдоридаги бонуслар ҳам киритилган.
