Москванинг «Локомотив» клуби собиқ президенти Олга Смородская Россия миллий жамоасининг Ўзбекистон ва Венесуэлага қарши бўлиб ўтадиган ўртоқлик баҳслари ҳақида фикр билдирди.
«Россия миллий жамоаси яхши жамоаларга қарши ўйнайди. Футболчиларимиз ушбу даражада нималар кўрсатишини кўрамиз. Ўзбекистон ва Венесуэла — бу, албатта, Брунейдан яхшироқ», — дея Смородскаянинг сўзларини «Спорт-Экспресс» нашри келтирмоқда.
Маълумот учун, Ўзбекистон ва Россия миллий жамоалари ўртасидаги баҳс бугун, 12 ноябр куни Тошкентда бўлиб ўтади. Беллашув Тошкент вақти билан соат 20:00 да бошланади.
Эслатиб ўтамиз, Россия миллий жамоаси 17 ноябр куни Венесуэлага қарши ҳам ўртоқлик баҳсида майдонга тушади. Шу куни эса Ўзбекистон миллий жамоаси сафарда Саудия Арабистони билан ўйнайди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади