«Манчестер Юнайтед» Майкл Кэррик билан ҳамкорликни якунлаганидан сўнг жамоанинг янги бош мураббийи Маурисио Почеттино бўлиши кутилмоқда. Журналистлар Бен Жейкобс ва Алекс Крукнинг қўшма хабарига кўра, «қизил иблислар» раҳбариятининг қарорида Глейзерлар оиласи ҳам муҳим рол ўйнаган.
Манбага кўра, Почеттино «МЮ»ни Англия Премер-лигасининг навбатдаги турида «Ливерпул»га қарши кечадиган баҳсда бошқариши мумкин. Беллашув 22 ноябр, якшанба куни бўлиб ўтади.
Маълумот учун, «Манчестер Юнайтед» айни пайтда Англия Премер-лигаси турнир жадвалида 18-ўринни эгаллаб турибди.
Эслатиб ўтамиз, «МЮ» Майкл Кэррик билан хайрлашганини 12 ноябр куни расман эълон қилган эди.
