«Манчестер Юнайтед» Майкл Кэррик билан хайрлашганидан сўнг янги бош мураббий излашга киришди. Германиянинг Sky Sport журналисти Флориан Плеттенберг хабарига кўра, жамоани Маурисио Почеттино бошқариши кутилмоқда.
Манбанинг таъкидлашича, томонлар ўртасида оғзаки келишувга эришилган ва бу келишув юз фоизга тасдиқланган. Бироқ аргентиналик мутахассис билан тузиладиган шартнома муддати ҳозирча номаълум.
«МЮ» Почеттинони 9 миллион евро эвазига ўз сафига қўшиб олиш имкониятини фаоллаштиради. Мутахассис миллий жамоалар баҳслари учун ажратилган танаффусдан кейин жамоа бошқарувини қабул қилиши кутилмоқда. Ҳозирда у АҚШ миллий жамоасини бошқармоқда.
Маълумот учун, Почеттино Англияда «Саутҳэмптон», «Тоттенҳэм» ва «Челси» клубларида ишлаган.
Эслатиб ўтамиз, «Манчестер Юнайтед» Англия Премер-лигасининг 10-туридан кейин 8 очко билан 18-ўринда бормоқда.
