«Милан» раҳбариятининг катта маслаҳатчиси Златан Ибраҳимович Италиянинг ушбу клубига бўлган муносабати ҳақида гапирди.
«Милан» — ҳаётимдаги энг муҳим жамоа. Мен кўплаб афсонавий жамоалар либосини кийганман ва турли совринларни қўлга киритганман. Аммо «Милан» мен учун доимо алоҳида ўрин тутган. Бу мен қайтишни истаган ягона клуб», — деб ёзган Ибраҳимович «Il Milan nel mondo» номли янги китобида.
Маълумот учун, Ибраҳимович футболчи сифатида «Милан» сафида 2010–2012 ҳамда 2020–2023 йилларда тўп тепган. Ушбу даврда у 163 та баҳсда майдонга тушиб, 93 та гол урган ва 35 та голли узатмани амалга оширган.
Эслатиб ўтамиз, швециялик ҳужумчи «Милан» билан икки марта Италия чемпионлигини ҳамда мамлакат Суперкубогини қўлга киритган.
