Кэррик: «Энди ноябр. Вазиятни ўзгартиришга қодирмиз»

«Манчестер Юнайтед» бош мураббийи Майкл Кэррик АПЛнинг 10-турида «Астон Вилла» (4:4) билан қайд этилган дурангдансўнг мухлисларнинг қўллаб-қувватлаши ва жамоанинг Премер-лигада жон сақлаб қолиш учун курашиши эҳтимоли ҳақида фикр билдирди.

Айни пайтда жамоа турнир жадвалида 18-ўринни эгаллаб турибди. Бу манкунианликларнинг сўнгги 40 йил ичида 10-турдан кейинги энг ёмон натижаси ҳисобланади.

— Ўйиндан кейин «МЮ» мухлислари сизнинг номингизни айтиб, куйлашди.

— Мухлислар футболчиларни қўллаб-қувватлашмоқда. Улар бутун қалби билан жамоа билан бирга ва биздан қандайдир натижа кутишмоқда.

Баъзида умидсизлик ва афсусланиш ҳолатлари юзага келади — буни барчамиз ҳис қиламиз. Аммо мухлислар йигитларни қўллаб-қувватлашда давом этишмоқда. Бугун ҳам улар охиригача биз билан бирга бўлишди ва биз буни ҳис қиляпмиз.

— «МЮ»нинг Премер-лигада жон сақлаб қолиш учун курашиши эҳтимоли ҳақида нима деб ўйлайсиз?

— Ҳозир ноябр ойи. Албатта, юзага келган вазият ҳам, натижаларимиз ҳам менга ёқмаяпти. Аммо биз бу вазиятни ўзгартиришга қодирмиз, — деди Кэррик Sky Sports нашрига берган интервюсида.