Ўзбекистон миллий жамоаси 12 октябр куни Тошкентда Россияга қарши ўртоқлик баҳсида майдонга тушади.
Бўлажак ўйин олдидан россиялик футбол мутахассиси, ўз вақтида Ўзбекистон миллий жамоасини бошқарган Валерий Непомняший ўз фикрлари билан ўртоқлашди.
«Ўзбекистон миллий жамоаси — Жаҳон чемпионати иштирокчиси. Менинг фикримча, айнан ўзбекистонлик футболчилар ушбу учрашув фаворити ҳисобланади.
Россия футболчилари пайшанба куни муносиб ўйин кўрсатиш учун бор кучларини ишга солишларига тўғри келади», — дея Непомняшийнинг сўзларини келтиради «РБ Спорт» нашри.
Ўзбекистон ва Россия миллий жамоалари ўртасидаги беллашув «Пахтакор» стадионида бўлиб ўтади ва Тошкент вақти билан 19:00да старт олади.
Непомянший: «Ўзбекистон — Россияга қарши ўйинда фаворит»
Футбол
11 ноябр, 05:55
31
Ўз вақтида «оқ бўрилар»ни бошқарган россиялик мутахассис ўртоқлик баҳси олдидан ўз фикрларини билдирди.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади