АҚШ президенти Доналд Трамп нима сабабдан UFC президенти Дана Уайтга Оқ уй матбуот котиби бўлишни таклиф қилганини тушунтирди.
«Матбуот билан мулоқот нуқтайи назаридан жуда омадсиз кунлардан бирини бошдан кечирдик. Шунда... Нима учунлигини билмайман, лекин хаёлимга унинг исми келди. У — анчадан бери менинг дўстим. Мен бир гуруҳ журналистларга: «Биласизларми, мен Дана Уайтни янги матбуот котибим этиб тайинласам керак», дедим.
Бу гапни журналистларга айтдим ва шу билан ҳаммаси тугади. Аслида, бироз ҳазиллашгандим. Аммо кейинчалик улар бу хабарни гўё мен мутлақо жиддий гапиргандек ёзишди. Натижада, ҳаммага кетма-кет қўнғироқлар бўла бошлади.
Биз бироз кўнгилхушлик қилиш мумкин, деб ўйладик ва Данани бу ерга таклиф қилдик. У ажойиб матбуот котиби бўла оларди», — деди Трамп.
Аввалроқ Дана Уайт Оқ уй матбуот котиби лавозимини рад этгани хабар берилганди.
«Шунчаки ҳазиллашгандим» — Трамп Уайтга Оқ уй матбуот котиби бўлишни таклиф қилгани ҳақида
MMA
11 ноябр, 05:10
АҚШ президентининг фикрича, журналистлар вазиятни бўрттиришган.
Foto: Getty Images
