Англия миллий жамоаси вингери Букайо Сака жаҳон чемпионати-2026 гуруҳ босқичининг биринчи турида, 17 июн куни, Хорватияга қарши баҳсда майдонга тушишга тайёр.
«Футболчилар учун бу энг катта таваккал, айниқса сен оптимал спорт формасида бўлмасанг. Сенда танлов бўлади: ёки ўйнамай, барчасини четдан кузатасан, ёки майдонда ўзингни кўрсатишга уринасан, муҳими, одамлар сенга бир хил баҳо беришади. Аслини олганда, очиқ айтадиган бўлсак, сен ўзингни қандай ҳис қилаётганингни уларга қизиғи йўқ. Улар сен майдонга тушишингни ва натижа кўрсатишингни кутишади.
Мен таваккал қилишга тайёрман. Шу йўсинда давом этаман. Ҳозир ўзимни мартдагидан яхшироқ ҳис қиляпман ва ишлашга тайёрман», – дея Сака сўзларидан иқтибос келтирди The Sun.
Маълумот учун, навбатдаги баҳс Сака учун миллий жамоа сафидаги 50-ўйин бўлади.
