Англия миллий жамоаси яримҳимоячиси Жордан Ҳендерсон Жаҳон чемпионати гуруҳ босқичи доирасидаги ўзаро ўйин арафасида Хорватия миллий жамоаси етакчиси Лука Модрич ҳақидаги фикрларини билдириб ўтди.
Ҳозирга келиб Модрич миллий жамоа сафида 198 та ўйинда майдонга тушиб, 29 та гол уришга муваффақ бўлган.
«У жаҳон даражасидаги футболчи, унга қарши ўйнаш жуда қийин. Умид қиламанки, у ўзини биз кўриб, ўрганганимиздек яхши томондан кўрсата олмайди, лекин мен у ёмон ўйнаганини ҳали кўрмаганман ҳам», - дея Ҳендерсон сўзларидан иқтибос келтирди Mundo Deportivo.
Эслатиб ўтамиз, Жаҳон чемпионати-2026 11 июндан 19 июлгача АҚШ, Канада ва Мексикада бўлиб ўтади. Хорватия ва Англия миллий жамоаларидан ташқари L гуҳида Гана ҳамда Панама ҳам бор.
