Шотландия миллий жамоасининг собиқ яримҳимоячиси Грем Сунесс Португалия юлдузи Криштиану Роналду ҳақида илиқ фикрлар билдириб, уни футбол тарихидаги энг буюк ўйинчилардан бири деб атади.
Сунесснинг айтишича, у Роналдуни илк бор 2003 йилда, 18 ёшида «Манчестер Юнайтед» билан шартнома имзолаган пайтда учратган.
«Ўша пайтда биз тарихдаги энг буюк футболчилардан бири билан учрашганимизни тасаввур ҳам қилмагандик», — дейди собиқ мураббий.
Орадан 23 йил ўтиб, Роналду ўзининг олтинчи жаҳон чемпионатида иштирок этмоқда ва ҳамон рекордлар сари интилмоқда.
«Унинг ютуқлари ҳайратланарли. Менимча, Португалия ушбу турнирнинг асосий фаворитларидан бири, балки ғолиби ҳам бўлиши мумкин», — деди Сунесс.
Мутахассис Роналдунинг феъл-атвори ҳақида ҳам фикр билдирди.
«Баъзилар уни ўзига ортиқча ишонган ёки ҳаддан ташқари амбицияли деб айтиши мумкин. Балки бунда жон бордир. Аммо шуни унутмаслик керакки, юқори даражадаги футболчилар орасида эго ва ўзига ишончсиз буюк футболчи бўлмайди», — дея таъкидлади у.
Сунесс Роналдуни «ҳақиқий гол машинаси» деб атаб, уни футбол тарихидаги энг буюклар — Пеле, Марадона ва Лионел Месси қаторида кўришини айтди.
40 ёшли Криштиану Роналду ЖЧ-2026 унинг фаолиятидаги сўнгги мундиал бўлиши мумкин. Португалия эса турнирнинг асосий даъвогарларидан бири сифатида кўрилмоқда.
