«Ливерпул» вингери Федерико Киеза жамоада қолиши мумкин. Бу ҳақда журналист Мирко Ди Натале хабар берди.
Манбага кўра, италиялик футболчи «қизиллар»да қолишга ва янги бош мураббий Андони Ираола қўл остида асосий таркибдаги ўрин учун курашишга қатъий қарор қилган.
Футболчи «Ювентус» ва «Комо» томонидан бўлаётган қизиқишларга қарамай, А Серияга қайтиш ниятида эмас.
Киеза Ираоланинг келишини ўз фаолиятидаги янги старт сифатида баҳоламоқда ва «Ливерпул» янги мураббийининг ўйин услуби унинг кучли томонларига мос келишини ҳисобламоқда.
Ўтган мавсумда Федерико мерсисайдликлар сафида барча турнирларда 36 та ўйин ўтказиб, уларда учта гол урди ва учта голли узатмани амалга оширди. Унинг жамоа билан шартномаси 2028 йилнинг 30 июнигача мўлжалланган.
