Португалия миллий жамоаси ҳужумчиси Криштиану Роналду 2026 йилги жаҳон чемпионати 1/8 финал босқичида Испанияга қарши бўлиб ўтадиган учрашув олдидан ўз фикрлари билан ўртоқлашди.
«Мен Испанияни жуда яхши кўраман. У ерда уйларим ва бизнесим бор. Дўстларимнинг аксарияти испаниялик. Оилам ҳам деярли испанияликлардан иборат.
Испания ҳар бир мусобақада ғолиблик учун курашади. Назарий жиҳатдан улар бизга қарши ўйиннинг фаворити, чунки испанияликлар кўпроқ соврин ютишган ва Португалияга нисбатан каттароқ тарихга эга. Лекин чарчоқ, жароҳатлар ва иссиқ об-ҳаво каби омиллар ҳам бор.
Мен Испанияга қарши ўйнашни яхши кўраман. Илгари уларга қарши бир неча бор майдонга тушганман ва ўша баҳслар тенг курашлар остида ўтган. Бу сафар ҳам шундай бўлади.
Ғолибни майда жиҳатлар ҳал қилади. Умид қиламанки, бу Португалия бўлади. Менда шундай ҳиссиёт бор», — деди Роналду.
Аввалроқ Криштиану бу унинг сўнгги жаҳон чемпионати бўлишини тасдиқлаганди.
