Де ла Фуэнте: «Роналдунинг мухлиси эканимни яширмайман. Унинг бизга қарши ўйнамаслигини истардим»

Испания миллий жамоаси бош мураббийи Луис де ла Фуэнте Криштиану Роналдунинг мухлиси эканини маълум қилди.

«Қизил фурия» ЖЧ-2026 1/8 финалида Португалияга қарши майдонга тушади. Беллашув 6 июл, душанба куни бўлиб ўтади.

«Мен Криштиану ва унга ўхшаган инсонларнинг мухлиси эканимни яширмайман. У — кучли иродага эга, чарчоқни билмайдиган инсон. У қадриятларнинг ёрқин намунасидир. Мен унга катта ҳурмат билан қарайман. Гап фақат у қолдираётган мерос ҳақида эмас, балки ҳамон яратаётган мероси ҳақида ҳам бормоқда.

Унга қарши ҳар қандай вазиятда ҳам жуда эҳтиёткор бўлиш керак. Криштиануни алоҳида назорат қилиш шарт эмас, аммо майдоннинг исталган нуқтасида ундан огоҳ бўлиш лозим. Унинг бизга қарши ўйнамаслигини истардим, аммо у майдонга тушади. Биз футбол тарихидаги энг буюк футболчилардан бирининг ўйинидан баҳра олиш имкониятига эгамиз», — дея де ла Фуэнтенинг сўзларини келтиради AS.