«Барселона» ҳужумчиси Рафиня Ла Лига 34-тури доирасидаги «Осасуна»га қарши баҳс учун қайдномага киритилди.
Қайд этилишича, бразилиялик футболчи март ойидан буён илк бор жамоа таркибидан жой олди ва ушбу беллашувда майдонга тушиши мумкин.
Эслатиб ўтамиз, Рафиня миллий жамоалар танаффусида Бразилия — Франция (1:2) ўйинида жароҳат олганди ва шундан бери майдонга тушмаганди.
Маълумот учун, «Барселона» ҳозирда Ла Лигада 33-турдан сўнг 85 очко билан пешқадамлик қилмоқда. Жамоа «Реал»дан 11 очко олдинда бормоқда.
