«Олдинда узоқ йўл бор» — Мбаппе Марокаш устидан ғалаба ва жароҳат олгани ҳақида

Франция миллий жамоаси ҳужумчиси Килиан Мбаппе ЖЧ-2026 чоракфиналидан ўрин олган Марокашга (2:0) қарши ўйиндан сўнг ўз фикрлари билан ўртоқлашди.

27 ёшли ҳужумчи беллашувда гол+ассист қайд этди, 77-дақиқада оёғидаги оғриқ сабаб захирага олишларини сўради.

«Яхшиман, тўпиғимдан зарба қабул қилиб олдим, лекин ҳаммаси жойида. Ўша пайтда Жей Пи (Жан-Филипп Матета) мендан кўра яхшироқ формада эди, шунинг учун сўнгги 15 дақиқани ўтказиш учун у муносиброқ эди. Шу сабабли майдонни тарк этдим, у эса захирадан тушди. У яхши ўйнади ва деярли гол ҳам урди.

Ўзимизни хотиржам ҳис қилишга ҳали эрта. Олдинда ҳали узоқ йўл бор, бизни янада оғир синов кутмоқда, аммо тезда тикланамиз».

Ҳакимининг ҳиссиётлари ҳақида

«Мен бу ерга ғалаба қозониш учун келганман, унда ҳам шу мақсад бор эди. Уни трибуна остидаги хоналарда кўрганимда янада қийинроқ бўлади, чунки у — менинг яқин дўстим», — деди Мбаппе M6 телеканалига берган интервюсида.