Бу ҳақда Ўзбекистон футбол ҳакамлари маркази ўзининг ижтимоий тармоқлардаги расмий саҳифаси орқали хабар берди.
Президентнинг 262-сонли қарори ижросини таъминлаш ҳамда футбол учрашувларини юқори савияда ташкил этиш мақсадида мамлакатимиз стадионларида марказлашган «VAR» тизимидан фойдаланиш учун махсус техникаларни ўрнатиш ишлари жадал давом этмоқда.
Ҳозирда «Қўқон-1912» стадионига «VAR» техникаларини жойлаштириш ишлари тўлиқ якунланди. Мазкур саъй-ҳаракатлар ҳакамлик қарорларининг ҳаққонийлигини таъминлаш, шунингдек, ўзбек футболининг халқаро стандартларга мослигини оширишга хизмат қилади.
