Мбаппе — Жаҳон чемпионатида пеналтидан гол уролмаган иккинчи франциялик

Килиан Мбаппе Франция миллий жамоаси тарихида Жаҳон чемпионати доирасида пеналтини голга айлантира олмаган иккинчи футболчига айланди.

«Реал» ҳужумчиси 2026 йилги Жаҳон чемпионати чоракфиналида Марокашга (2:0) қарши ўйиннинг биринчи бўлимида 11 метрлик жарима зарбасини аниқ бажара олмади. Рақиб дарвозабони Ёсин Буну Килианнинг зарбасини қайтариб қолди.

Бунга қадар Франция сафида Жаҳон чемпионатида пеналтини голга айлантира олмаган ягона футболчи Карим Бензема эди. У 2014 йилги мундиалда Швейцарияга қарши баҳсда 11 метрлик жарима зарбасидан фойдалана олмаган.

Марокаш билан ўйинга қадар Мбаппе Франция сафида пеналтилар сериясини ҳам ҳисобга олганда кетма-кет 15 та пеналтини аниқ амалга оширганди. У сўнгги марта Евро-2020 мусобақасида Швейцарияга қарши пенальтилар сериясида (асосий вақт — 3:3, пен — 4:5) 11 метрлик нуқтадан гол уролмаганди.