Аргентина миллий жамоаси ҳужумчиси Лионел Месси ЖЧ-2026 гуруҳ босқичининг 1-турида Жазоирга қарши учрашувда (3:0) майдонга тушиб, жаҳон чемпионатлари тарихидаги яна бир рекордни ўрнатди.
38 ёшли футболчи ушбу баҳсда Аргентинани сардор сифатида бошлаб чиқди ва мундиаллардаги сардорлик ўйинлари сонини 20 тага етказди.
Шу тариқа, Месси жаҳон чемпионатлари тарихида энг кўп сардорлик боғичини таққан футболчига айланди.
Аввалги рекорд Мексика афсонаси Рафаел Маркесга тегишли бўлиб, у мундиалларда 17 учрашувда сардор сифатида майдонга тушганди. Учинчи ўринда эса Аргентина футболи афсонаси Диего Марадона қайд этилган — 16 та ўйин.
Жазоирга қарши баҳс Месси учун ҳар томонлама тарихий бўлди. Аргентиналик юлдуз учрашувда хет-трик қайд этиб, жаҳон чемпионатларидаги голлари сонини 16 тага етказди.
Натижада у Германия миллий жамоасининг собиқ ҳужумчиси Мирослав Клозе билан биргаликда мундиаллар тарихидаги энг яхши тўпурарларга айланди.
Эслатиб ўтамиз, Месси ушбу учрашувда покер қайд этишга ҳам яқин келганди, бироқ 5-дақиқада урган голи офсайд сабаб бекор қилинди.
