Аргентина миллий жамоаси ҳужумчиси Лионел Месси ЖЧ-2026 гуруҳ босқичининг 1-турида Жазоирга қарши учрашувдан (3:0) сўнг ўз фикрлари билан бўлишди.
38 ёшли футболчи ушбу баҳсда хет-трик қайд этиб, жамоасининг ишончли ғалабасини таъминлади.
«Бу менинг олтинчи жаҳон чемпионатим ва мен ҳали ҳам ўзимни яхши ҳис қиляпман. Биз қийин учрашувда ғалаба қозондик. Жаҳон чемпионатида ғалаба билан бошлаш доимо муҳим, чунки бу турнирда осон ўйин бўлмайди», — деди Месси.
Аргентина сардори ўз фаолиятидаги ютуқларга ҳам тўхталиб ўтди.
«Фаолиятим давомида жуда кўп ажойиб лаҳзаларни бошдан кечирдим. Ҳозир содир бўлаётган воқеалар эса мен учун ёқимли бонус», — дея қўшимча қилди у.
Шунингдек, Месси биринчи голдан кейин кўз ёш тўккани ҳақида ҳам изоҳ берди.
«Ҳа, биринчи голдан кейин йиғладим. Аммо бу футбол билан боғлиқ эмас эди. Ҳаётимда оғир кунларни бошдан кечирдим. Делегация аъзолари ва жамоадошларим доимо ёнимда бўлишди ва менга катта куч беришди. Мен улардан миннатдорман», — деди аргентиналик афсона.
Эслатиб ўтамиз, Жазоирга қарши хет-трикдан сўнг Месси жаҳон чемпионатларидаги голлари сонини 16 тага етказиб, мундиал тарихидаги энг яхши тўпурарлар қаторига кириб, бу борада Клозе билан тенгалшиб олди..
Аргентина миллий жамоаси гуруҳ босқичининг навбатдаги турида 22 июн куни Австрия билан куч синашади.
